काठमाडौँ । नेपाली काँग्रेसको केन्द्रीय सदस्य (लुम्बिनी प्रदेश) पदको मत परिणाम सार्वजनिक भएको छ ।
पार्टीको १४औँ महाधिवेशनअन्तर्गत गत मङ्सिर २७ गते दुई पदका लागि भएको मतदानको मङ्गलवार राति सार्वजनिक मत परिणामअनुसार केन्द्रीय सदस्यमा देवेन्द्रराज कँडेल दुई हजार ७२७ तथा चन्द्रबहादुर केसी दुई हजार २६७ मत प्राप्त गरी विजयी हुनुभएको छ ।
यस्तै, महेन्द्रकुमार शर्माले एक हजार ७७३, लेखनाथ पोखरेलले एक हजार ५२७, प्रदीपराज शर्माले ४२३ र बमबहादुर डिसीले २५२ मत प्राप्त गर्नुभएको काँग्रेस केन्द्रीय निर्वाचन समितिका संयोजक गोपालकृष्ण घिमिरेले जानकारी दिनुभयो ।
यसैगरी, केन्द्रीय सदस्य (लुम्बिनी प्रदेश) महिलातर्फ शिला शर्मा खड्का दुई हजार ६७३ मत प्राप्त गरी विजयी हुनुभएको छ ।
यस्तै, रीता सेन ओलीले एक हजार ४६३ र भगवती काफ्ले (भण्डारी) ले ४१४ मत प्राप्त गर्नुभएको निर्वाचन समितिले जनाएको छ ।
प्रकाशित मिति : ७ पुस २०७८, बुधबार १० : २९ बजे
प्रतिक्रिया