काठमाडौँ । नेपाली काँग्रेसको संसदीय दलको बैठक आज दिउँसो १ः०० बजे नयाँ बानेश्वरस्थित लोत्से हलमा बस्ने भएको छ ।
बैठकमा अवरुद्ध सदन खुलाउने, सदनमा विचाराधीन रहेका विधेयकलाई कसरी अगाडि बढाउने ? नयाँ विधेयक कसरी प्रस्तुत गर्ने भन्नेबारे छलफल हुने संसदीय दलका प्रमुख सचेतक रमेश लेखकले जानकारी दिनुभयो ।
बैठकमा आगामी दिनमा संसद्मा काँग्रेस कसरी प्रस्तुत हुने, डेङ्गु रोगको रोकथाम, पशुपक्षीमा लाग्ने लम्की रोगको उपचार, मानिसमा आँखा पाक्ने रोगको उपचारबारेमा सरकारको ध्यानाकर्षण गराइने प्रमुख सचेतक लेखकले बताउनुभयो ।
आजको बैठकमा छलफल गर्ने एजेन्डाबारे छलफल गर्न काँग्रेस संसदीय दलको कार्यसमिति बैठक बिहीबार दिउँसो बसेको थियो ।
प्रकाशित मिति : २६ श्रावण २०८०, शुक्रबार ६ : ४८ बजे
प्रतिक्रिया