वासिंगटन । अमेरिकाले बुधवार रुसी आक्रमणको जवाफ दिन युक्रेनलाई १.३ अर्ब डलरको सैन्य सहायता प्याकेज घोषणा गरेको छ ।
यसमा वायु रक्षा प्रणाली र आक्रमण ड्रोनहरू समावेश रहेका छन्। अमेरिकी रक्षा विभागका अनुसार सैन्य प्याकेजमा चार वटा उन्नत सतहबाट एयर मिसाइल प्रणाली मध्यम दूरीको वायु रक्षा ब्याट्रीहरू समेत समावेश छन्।
यसले युक्रेनलाई मिसाइल र ड्रोन आक्रमणको सामना गर्न मद्दत गर्नेछ। यो प्रतिरक्षा प्रणाली अमेरिकी राजधानी वासिङ्टन डिसी र यसको वरपरको क्षेत्रको सुरक्षा गर्न प्रयोग गरिँदै आएको थियो ।
अमेरिकी रक्षा विभागले एक विज्ञप्तिमा भनेको छ कि युएसआई प्याकेजले युक्रेनको युद्ध आवश्यकताहरू पूरा गर्ने अमेरिकी प्रतिबद्धतालाई प्रतिबिम्बित गरेको छ । यसले युक्रेनको सशस्त्र बलको दिगो क्षमतालाई आफ्नो क्षेत्रको रक्षा गर्न र मध्य र दीर्घकालीन रूपमा रुसी आक्रमणलाई रोक्नको लागि पनि कार्य गर्ने गर्दछ।
नयाँ सैन्य प्याकेज अन्तर्गत अमेरिकाले युक्रेनलाई कुल १२ मिसाइल दिनेछ। मिडिया रिपोर्टका अनुसार रक्षा सचिव लोयड अस्टिनले गत नोभेम्बरमा रुसी आक्रमण रोक्नका लागि न्याम्स शतप्रतिशत सफल भएको बताउनुभएको थियो।
यसअघि मङ्गलवार युक्रेनलाई सहायता उपलब्ध गराउने देशहरूसँगको बैठकपछि लोयड अस्टिनले रुसविरुद्धको युद्धमा युक्रेनलाई हर सम्भव सहयोग गर्न प्रतिबद्ध रहेको बताउनुभएको थियो।
प्रकाशित मिति : ४ श्रावण २०८०, बिहिबार ७ : ४५ बजे
प्रतिक्रिया