बारा । स्नातक तह तेस्रो वर्षको परिक्षा दिएर सिमराबाट घर फर्कंदै गरेका पर्साका एक विद्यार्थीको मोटरसाइकल दुर्घटनामा मृत्यु भएको छ । दुर्घटनामा अर्का एक विद्यार्थी घाइते भएका छन् ।
पथलैया–वीरगन्ज व्यापारिक मार्गअन्तर्गत भलुही चोकमा मोटरसाइकल दुर्घटना हुँदा पर्सा बहुदरमाई ९ का करिब २३ वर्षीय विजय शर्माको मृत्यु भएको हो । उनी ठाकुरराम बहुमुखी क्याम्पसका छात्र हुन् ।
दुर्घटनामा मोटरसाइकल चालक पोखरिया १ का करिब २३ वर्षीय अर्जुन सहनी घाइते भएका छन् । सहनीको बयोधा अस्पतालमा उपचार भइरहेको छ । स्नातक तह तेस्रो वर्षको परीक्षा सोमबारदेखि सुरु भएको हो । सिमरा कलेजमा रहेको परीक्षा केन्द्रमा ‘बिजेनश ल’ विषयको परिक्षा दिएर शर्मा घर फर्कंदै गरेका थिए ।
दुर्घटनामा शर्माको निधन भएपछि वीरगन्जमा विद्यार्थीले प्रदर्शन गरेका छन् । परीक्षा केन्द्र टाढा राखिएको भन्दै विद्यार्थीले विरोध जनाएका हुन् ।
प्रकाशित मिति : २६ असार २०८०, मंगलबार १० : ५३ बजे
प्रतिक्रिया