काठमाडौँ । बजेटप्रति असन्तुष्ट दलहरूको संसदीय दलको बैठक बस्दै छ ।
प्रतिनिधिसभा बैठक सुरु हुनुअघि असन्तुष्ट दलहरूको संसदीय दलको बैठक बस्न लागेको हो ।
जसअनुसार नेकपा एकीकृत समाजवादी, जनता समाजवादी पार्टी नेपाल, नागरिक उन्मुक्ति पार्टी र जनमत पार्टीले बैठक राखेर बजेटका बारेमा धारणा बनाउन लागेका हुन ।
नेपाली काँग्रेस र नेकपा माओवादी केन्द्रले बजेट पारित गराउन ह्विप जारी गरे पनि सत्तारुढ चार दलले भने असन्तुष्टि जनाउँदै आएका छन् । उनीहरूले यथास्थितिमा बजेट पारित गर्न नदिने यसअघि सार्वजनिक रूपमा धारणा राख्दै आएका थिए ।
एकीकृत समाजवादीका उपाध्यक्ष राजेन्द्र पाण्डेले आज बिहान बस्ने बैठकपछि मात्रै धारणा बनाउने जानकारी दिनुभयो । आजको बैठकबाट बजेट पारित गर्ने तयारी सरकारले गरेको छ ।
प्रकाशित मिति : १३ असार २०८०, बुधबार ९ : ४७ बजे
प्रतिक्रिया