हेटौँडा । बागमती प्रदेशसभाको बैठक आज बस्दै छ ।
प्रदेशसभा भवन, हेटौँडामा आज बिहान ११ः०० बजे प्रदेशसभाको बैठक बस्न लागेको हो ।
प्रदेशसभा सचिवालयका अनुसार आजबाट बजेटमाथि छलफल सुरु हुनेछ । जस अनुसार आजको बैठकमा प्रदेश सरकारले गत असार १ मा प्रस्तुत गरेको आर्थिक वर्ष २०८०/०८१ को बजेटमाथि आजबाट छलफल सुरु हुनेछ ।
प्रदेशसभा सचिवालयका प्रमुख सचिव कृष्णहरि खड्काअनुसार सोमबार बसेको कार्य परामर्श व्यवस्थापन समितिको बैठकले मङ्गलवारदेखि बजेटमाथिको छलफल गरिने कार्यसूची तयार गरे पनि प्रमुख प्रतिपक्ष दल नेकपा एमाले र राप्रपाको अवरोधका कारण मङ्गलवारको बैठक सुचारु हुन सकेको थिएन । बजेटमा भेदभाव भएको भन्दै प्रतिपक्ष दलले अवरोध गरेका थिए ।
आज पुनः सहमति कायम गरेर बैठक बस्न लागेको हो । बैठक अघि सहमति कायम गर्ने प्रयास हुनेछ ।
आर्थिक मामिला तथा योजना मन्त्री बहादुर सिंह लामाले गत असार १ गतेको प्रदेशसभाको बैठकमा आगामी आर्थिक वर्षको बजेट प्रस्तुत गर्नुभएको थियो, जुन बजेटमाथि आज छलफल हुन लागेको हो ।
प्रकाशित मिति : १३ असार २०८०, बुधबार ७ : ४२ बजे
प्रतिक्रिया