काठमाडौँ । १४ औँ संस्करणको साफ च्याम्पियनसिपमा आज नेपाल फुटबल टिम र भारतबीच आज प्रतिस्पर्धा हुदैँछ ।
दक्षिण भारतको बैंग्लोरमा जारी प्रतियोगिता आज हुने सो खेल आज राति पौने ८ः०० बजेबाट सुरु हुनेछ ।
पहिलो खेलमा आमन्त्रित टिम कुवेतसँग पराजित भएको नेपाल आज घरेलु टोली भारतविरुद्ध मैदानमा उत्रन लागेको हो । पछिल्लो संस्करणमा नेपाल र भारत उपाधिका लागि आमुने सामुने भएका थिए । सो प्रतिस्पर्धामा भारत विजेता बनेको थियो भने नेपाल उपविजेता भएको थियो, त्यसपछि दुवै टोली मैदानमा उत्रन लागेका हुन् ।
आजसम्म दुवै देशबीच भएका अहिलेसम्म भएका २३ प्रतिस्पर्धामा भारतले १६ खेलमा बाजी मारेको छ भने नेपालले २ पटक मात्रै जित निकालेको रेकर्ड छ ।
बाँकी ५ खेल बराबरीमा टुङ्गिएका दुवै देश आज पुनः मैदानमा आमुने सामुने हुन लागेका हुन्।
प्रकाशित मिति : ९ असार २०८०, शनिबार ७ : २२ बजे
प्रतिक्रिया