काठमाडौँ । चिकित्सा विज्ञान राष्ट्रिय प्रतिष्ठान(न्याम्स)को उपकुलपतिमा डा.भूपेन्द्र बस्नेत नियुक्त हुनुभएको छ ।
न्याम्सका निमित्त उपकुलपति समेत रहनुभएका डा.बस्नेतलाई प्रधानमन्त्री पुष्पकमल दाहालले बिहीबार उपकुलपतिमा नियुक्त गर्नुभएको हो ।
स्वास्थ्य मन्त्री मोहनबहादुर बस्नेतको अध्यक्षतामा गठित समितिको सिफारिसका आधारमा उपकुलपतिका नियुक्ति हुनुभएका डा.बस्नेतसँग अन्य ११ जना प्रतिस्पर्धी रहनुभएको थियो ।
काँग्रेस निकट डा.बस्नेत यसअघि दुई पटक वीर अस्पतालको निर्देशकको जिम्मेवारीमा हुनुहुन्थ्यो ।
उपकुलपतिको कार्यकाल चार वर्ष रहने व्यवस्था छ ।
प्रकाशित मिति : ८ असार २०८०, शुक्रबार ९ : १२ बजे
प्रतिक्रिया