थप ३०३ मा कोरोना संक्रमण पुष्टि, १४१ संक्रमणमूक्त

काठमाडौं – पछिल्लो २४ घण्टामा थप ३०३ जनामा कोरोना भाइरसको संक्रमण पुष्टि भएको छ। योसँगै नेपालमा कुल संक्रमितहरुको संख्या २ लाख ८० हजार २८ पुगेको छ ।

स्वास्थ्य तथा जनसंख्या मन्त्रालयले दिएको जानकारी अनुसार देशभरमा पछिल्लो २४ घण्टामा १४१ जना संक्रमित निको भएका छन्। हालसम्म २ लाख ७४ हजार २७ जना संक्रमित निको भएर डिस्चार्ज भइसकेका छन् ।

आज अपरान्हसम्म नेपालमा सक्रिय संक्रमितको संख्या २ हजार ९६१ जना रहेको छ ।

कोरोना संक्रमणका कारण आज थप १ जनाको निधन भएको छ । यो सँगै नेपालमा कोरोना संक्रमणबाट मृत्यु हुनेको संख्या ३ हजार ४० पुगेको छ ।

प्रकाशित मिति : २९ चैत्र २०७७, आइतबार  ४ : ४८ बजे