काठमाडौँ। इङ्लिस क्लब म्यानचेस्टर सिटी युइएफए च्याम्पियनसिप लिगको उपाधि हासिल गरेको छ ।
टर्कीको इस्तानबुलमा शनिवार राती भएको खेलमा इन्टर मिलानलाई १–० ले पराजित गर्दै सिटीले च्याम्पियनसिप लिगको उपाधि जीत हासिल गरेको हो ।
शनिवार राती एटाटर्क ओलम्पिया स्टेडियममा शनिवार राति भएको फाइनल खेलको पहिलो हाफ बराबरीमा रोकिएको थियो । निकै प्रतिस्पर्धात्मक र रोचक देखिएको उक्त खेलको ६८ औँ मिनेटमा रोड्रीले गरेको गोलले सिटीलाई च्याम्पियन सिपको उपाधिका लागि निर्णायक साबित भयो । त्यसपछि दुवै पक्षबाट कुनै गोल निस्कन नसक्दा खेल १–० मा टुङ्गिएर सिटी च्याम्पियन सिपको उपाधि चुम्न सफल भयो ।
पहिलो पटक च्याम्पियनसिप लिगको उपाधि जित हासिल गरेको सिटीले यसै सिजनको इङ्लिस प्रिमियर लिग र एफए कपको उपाधिमा पनि जीत हासिल गरेको थियो ।
प्रकाशित मिति : २८ जेष्ठ २०८०, आइतबार ७ : ०७ बजे
प्रतिक्रिया