प्युठानमा बनमा लागेको डढेलो बस्तीमा पस्दा ११ घर जलेर नष्ट 

प्युठान  । बनमा लागेको डढेलो बस्तीमा पस्दा ११ घर जलेर नष्ट भएका छन् । 

प्युठानको स्वर्गद्वारी नगरपालिका–२ धनवाङस्थित जंंगलमा लागेको डढेलो बस्तीमा पसेपछि सो आगलागीमा परेर ११ घर जलेर नष्ट भएका हुन ।

जिल्ला प्रहरी कार्यालयका अनुसार आइतबार साँझ नजिकको धाइरेनी सामुदायिक वनमा सल्किएको आगो नजिकको मानवीय बस्तीमा पस्दा ११ घर तथा ८ गोठ जलेर नष्ट हुन पुगेको हो ।

सामुदायिक बनमा लागेको डढेलो बस्तीमा पस्दा घर र गोठ जले पनि मानवीय क्षतिको भने कुनै जानकारी प्राप्त भइसकेको छैन । यद्यपि, स्थानीयसहित नेपाल प्रहरी र नेपाली सेनाको सहयोगमा आगलागी नियन्त्रण लिइएको छ । सो आगलागीबाट कति क्षति भयो ? त्यसको मुल्याङकन गर्ने कार्य भइरहेको जनाइएको छ।  

प्रकाशित मिति : ८ जेष्ठ २०८०, सोमबार  ८ : २९ बजे