काठमाडौँ । एसीसी प्रिमियम कपको आज फाइनल खेल हुदैँछ ।
कीर्तिपुरस्थित त्रिभुवन बिश्वबिद्यालयको खेल मैदानमा नेपाल र संयुक्त अरब इमिरेट (युएई)का बिचमा आज फाइनल खेल हुदैँछ । आज बिहान ९ बजेबाट फाइनल खेल सुरु हुनेछ ।
शनिवार भएको खेलमा नेपाल कुवेतलाई पराजित गर्दै फाइनलमा आएको हो भने युएई ओमानलाई पराजित गर्दै फाइनलमा पुगेको हो ।
जितको लागि २ सय ८१ रनको विशाल लक्ष्य पछ्याएको कुवेतले ८.३ ओभरमा ६ विकेट गुमाउँदै ३७ रन बनाई रहँदा खेल वर्षाको कारण खेल रोकिन पुगेको थियो । सो खेल रद्द भएपछि समूह विजेता बन्दै नेपाल फाइनलमा प्रवेश गरेको हो भने डकवर्थ लुईस पद्धतिमा २ रनले ओमानलाई हराउँदै युएई नेपालसँग प्रतिस्पर्धा गर्न आइपुगेको हो ।
आज हुने फाइनल खेलको विजेता टोलीले भारत र पाकिस्तानलगायतका टिमसँग खेल्न पाउने छन् ।
यदि, शनिवारको झैँ पुनः पानी परेको खण्डमा आइसिसीको ओडिआई वरियतामा १४ औँ स्थानमा रहेको नेपाल र १९ औँ स्थानको रहेको युएई बिचको खेल मङ्गलवार हुनेछ ।
प्रकाशित मिति : १८ बैशाख २०८०, सोमबार ७ : ५१ बजे
प्रतिक्रिया