काठमाडौँ । एसीसी प्रिमियम लिगको आज सेमिफाइनल खेल हुदैँछन ।
त्रिभुवन विश्वविद्यालयको खेल मैदानमा नेपालले आज हुने सेमिफाइनल खेलमा कुवेतसँग भिड्ने छ भने मुलपानी मैदानमा युएई र ओमान आमुने सामुने हुनेछन् ।
नेपाल ४ खेलमा ३ मा जित र १ खेलमा अङ्क बाँड्दै ७ अङ्कका साथ समूह ‘ए’बाट विजेता बन्दै सेमिफाइनलमा पुगेको हो भने समूह बी का उपविजेता कुवेत हङकङलाई ३० रनले हराएर सेमिफाइनलमा घरेलु टोली नेपालसँगको भिड्न आइपुगेको हो ।
कुवेत ४ खेलमा ३ मा जित र १ मा हारसहित ६ अङ्कका साथ नेट रन रेटबाट सेमिफाइनल पक्का गरेको हो ।
यसैगरी, मुलपानी मैदानमा हुने अर्को सेमिफाइनल खेलमा समूह ए को उपविजेता ओमान र समूह बी को विजेता युएई आमुने सामुने हुनेछन् ।
युएई ४ खेलमा ३ जित र १ हारसहित ६ अङ्कका साथ समूह ‘बि’ बाट विजेता टोली बनेर सेमिफाइनलमा पुगेको हो भने ओमान ४ खेलमा ३ मा जित र १ हारका साथ ६ अङ्कका साथ समूह ‘ए’बाट दोस्रो स्थानमा रहेको टोली हो ।
दुवै सेमिफाइनल खेल ९ बजेबाट सुरु हुनेछ । जारी प्रतियोगिता विजेता टोलीले आगामी सेप्टेम्बरमा हुने एसिया कपमा भारत र पाकिस्तानसँग खेल्नेछन् ।
प्रकाशित मिति : १६ बैशाख २०८०, शनिबार ७ : २६ बजे
प्रतिक्रिया