धनगढी । कैलालीमा आइतबार सु.प प्र ०१००१ ज १४२३ नम्बरको जिप दुर्घटना हुँदा एक जनाको मृत्यु भएको छ।
चुरे गाउँपालिकाको ६ भिमदत्त राजमार्ग अन्तर्गत फल्टुँडेमा जिप दुर्घटना हुँदा भएको हो। चुरे गाउँपालिका ६ का वर्ष १८ का भानु ठकुन्नाको निधन भएको हो।
मेलकट्टेश्वर मावि चुरे ६ कैलालीमा अध्ययनरत ठगुन्नाको अत्तरियास्थित दुर्गालक्ष्मी मावि केन्द्रमा एसइई परीक्षामा सम्मिलित भई घर फर्कने क्रममा जिप दुर्घटनामा परेर उनको निधन भएको प्रहरीले जनाएको छ।
यस्तै, दुर्घटनामा परि वर्ष १७ का हरिश धामी, वर्ष १८ की सरस्वती र वर्ष १६ का प्रकाश धामी घाइते भएका छन्। घाइतेहरूको पदमा अस्पतालमा उपचार भइरहेको छ।
इलाका प्रहरी कार्यालय फलटुडेका अनुसार घाइतेहरू पनि एसइई दिइएर घर फर्किरहेका मेलकट्टेश्वर माविकै विद्यार्थी हुन्।
जिपको स्टेरिङ कन्ट्रोल गर्न नसक्दा नालिमा ठोक्किएर गाडी दुर्घटना भएको खुलेको छ। गाडी चालक नरसिंह धामीलाई नियन्त्रणमा लिएको प्रहरीले बताएको छ।
प्रकाशित मिति : २७ चैत्र २०७९, सोमबार ७ : २५ बजे
प्रतिक्रिया