एउटा युद्ध जित्नु छ

बाको बिंडो थाम्नु छ

रक्षाकवच लाउनु छ

दुश्मनलाई ढाल्नु छ

किल्ला रक्षा गर्नु छ

आत्मबल पाल्नु छ

रासन जोहो गर्नु छ

छिट्टै आरन जानु छ

खुकुरीधार लाउनु छ

राईफल गन भिर्नु छ

गोली गठ्ठा बोक्नु छ

एउटा युद्ध जित्नु छ

देश सम्बृद्ध पार्नु छ

कस्को सौर्य तेजी छ

समरमा नै देखिन्छ

गोली हानाहान हुन्छ

हत्ते जानाजान हुन्छ

नामर्दले माथ खान्छ

मेधावीले दाउ हान्छ

हार्ने मस्तक गिराउँछ

जित्ने नगरा बजाउँछ  

प्रकाशित मिति : २८ चैत्र २०७७, शनिबार  २ : ३४ बजे