रसुवागढी नाका आजदेखि पूर्ण रूपमा सञ्चालन

काठमाडौँ । आंशिक रूपमा सञ्चालन हुँदै आएको रसुवागढी नाका आजदेखि पूर्ण रूपमा सञ्चालनमा आएको छ।

रसुवाको रसुवागढी नाका दुईतर्फी सञ्चालनमा आएको हो। नाका पूर्ण रूपमा खुलेसँगै व्यापारी, व्यवसायी तथा सरोकारवाला उत्साहित भएका छन्। 

नाकामा कोरोना जोखिमलाई ध्यानमा राखेर स्वास्थ्य मापदण्डको पालना तथा जाँचलाई व्यवस्थित पारिएको रसुवा भन्सार कार्यालयका प्रमुख भन्सार अधिकृत नारायणप्रसाद भण्डारीले जानकारी दिनुभयो । 

रसुवागढी नाकाबाट आज २५ देखि ३० कन्टेनर सामान पैठारी हुने अनुमान छ।

केरुङ जान सीमा पास नवीकरण तथा नयाँ बनाउन आज शनिवार पनि अध्यागमन कार्यालय खुला गरिएको छ।

प्रकाशित मिति : १८ चैत्र २०७९, शनिबार  ८ : ५७ बजे