बुटवल । नेकपा एमालेका अध्यक्ष केपी शर्मा ओली आज पाल्पाको रानी महल पुग्नुभएको छ।
पाँच दिनदेखि लुम्बिनी प्रदेशका विभिन्न जिल्लामा रहनुभएका अध्यक्ष ओली आज पाल्पाको रानी महल जान भएको हो । पाल्पा तेजरानी महलमा अध्यक्ष ओलीले पत्नी राधिका शाक्यसँग सेल्फी समेत खिच्नुभएको छ ।
अध्यक्ष ओलीको सचिवालयका अनुसार अहिले पाल्पाको तानसेनमा रहनुभएका अध्यक्ष ओलीले रानी महलको अवलोकनपछि बुटवल पाल्पा सडक खण्डको सिद्ध बाबाको प्रस्तावित सुरुङ मार्गको पनि निरीक्षण गर्नुहुनेछ । सधैँ पहिरोको चपेटमा पर्ने सडकको यो खण्डमा अध्यक्ष ओली प्रधानमन्त्री भएका बेला सुरुङ मार्ग निर्माण गर्ने प्रस्ताव गरिएको थियो ।
अध्यक्ष ओलीले आजै बुटवलस्थित लुम्बिनी टेलिभिजनको साधारण सभाको उद्घाटन गर्ने कार्यक्रम छ । यसैगरी बुटवलमा रुपन्देही जिल्ला स्तरीय कार्यकर्ता भेलालाई समेत सम्बोधन गरेर साँझ काठमाडौँ फर्कने कार्यक्रम रहेको सचिवालयले जनाएको छ ।
यसैगरी चैतको २२ र २३ गते अध्यक्ष ओली रोल्पा र रुकुमका विभिन्न कार्यक्रममा सहभागी हुन जाने तयारी गर्नुभएको छ ।
प्रकाशित मिति : १५ चैत्र २०७९, बुधबार ११ : ५१ बजे
प्रतिक्रिया