मोरङ । कटहरी गाउँपालिका–४ स्थित जुडी पुलमा गए राति मोटरसाइकल दुर्घटना हुँदा चालकको मृत्यु भएको छ ।
विराटनगर–रङ्गेली सडक खण्डमा को २ प ३५३० नम्बरको मोटरसाइकल अनियन्त्रित भई दुर्घटना हुँदा धनपालथान गाउँपालिका ७ का ३७ वर्षीय मुकेश यादवको मृत्यु भएको हो ।
मोरङ ट्राफिक प्रमुख प्रहरी निरीक्षक सुनीलकुमार श्रेष्ठका अनुसार उपचारकै क्रममा विराटनगरस्थित कोसी अस्पतालमा उनको मृत्यु भएको हो ।
तीव्र गतिका कारण आइतबार राती मोटरसाइकल दुर्घटनामा परेको प्रारम्भिक अनुसन्धानबाट खुलेको प्रहरीले जनाएको छ।
प्रकाशित मिति : १३ चैत्र २०७९, सोमबार १० : ५७ बजे
प्रतिक्रिया