नेपाल–पाकिस्तान मैत्री टी–२० क्रिकेट प्रतियोगिता सम्पन्न

​​​​​​​काठमाडौँ – काठमाडौंस्थित पाकिस्तानी राजदूतावासले “नेपाल–पाकिस्तान मैत्री T20 क्रिकेट प्रतियोगिता-२०२३ को आठौँ संस्करण” को समापन/पुरस्कार वितरण समारोहको आयोजना गरेको छ।

पाकिस्तानी राजदूतावासले आयोजना गरेको “नेपाल–पाकिस्तान मैत्री T20 क्रिकेट प्रतियोगिता-२०२३ को आठौँ संस्करण” १० मार्च २०२३ मा सुरु भएको थियो र यस प्रतियोगितामा १२ टोलीले भाग लिएका थिए।

पुरस्कार वितरण समारोहका प्रमुख अतिथि नेपालका पूर्व परराष्ट्र मन्त्री माननीय श्री रमेशनाथ पाण्डेले नेपाल–पाकिस्तान मैत्री टी–२० क्रिकेट प्रतियोगिताको विजेता टोलीलाई ‘हिमालय शमशेर राणा ट्रफी’ प्रदान गर्नुभएको थियो । यस वर्ष पल्सर क्रिकेट एक्सेलेन्स सेन्टर, काठमाडौंले आठौँ संस्करणको नेपाल–पाकिस्तान टी–२० क्रिकेट प्रतियोगिता–२०२३ को उपाधि जितेको छ भने दूतावासको पाकिस्तान टोली प्रतियोगिताको उपविजेता बनेको छ ।

काठमाडौंका लागि जनवादी गणतन्त्र चीनका राजदूत श्री चेन सोङले पनि विशेष अतिथिको रूपमा कार्यक्रममा सहभागिता जनाउनुभएको थियो । कार्यक्रममा परराष्ट्र मन्त्रालय, काठमाडौंका सहसचिव रामप्रसाद सुवेदी र काठमाडौंस्थित कूटनीतिक नियोगका केही सदस्यहरू पनि विशेष अतिथिका रूपमा उपस्थित थिए, जसमा श्रीलङ्काका कार्यवाहक राजदूत (ए.आई.), उपप्रमुख बङ्गलादेश र कतार को मिसन लगायतको उपस्थिति रहेको थियो ।

विशेष अतिथिहरूले टी–२० क्रिकेट प्रतियोगिताका प्रख्यात खेलाडी तथा पदाधिकारीहरूलाई पनि पुरस्कार प्रदान गरेका थिए ।

समारोहलाई सम्बोधन गर्दै माननीय श्री पाण्डेले कार्यक्रमलाई सफलतापूर्वक आयोजना गरेकोमा पाकिस्तानी दूतावासको पहलको प्रशंसा गर्नुभयो। उहाँले यस्ता कार्यक्रम आयोजनाले नेपालमा खेलकुद गतिविधिलाई मात्रै नभई दुई देशबीचको द्विपक्षीय सम्बन्धलाई पनि मजबुत बनाउने बताउनुभयो ।

आफ्नो मन्तव्यमा राजदूत उमैर अलीले यस प्रतियोगिताले नेपाल र पाकिस्तानबीच पारस्परिक हितका सबै क्षेत्रमा थप सहयोग र सहकार्यको लागि एउटा पाइलाको ढुङ्गाको रूपमा काम गर्ने आशा व्यक्त गर्नुभयो । उहाँले यस्ता स्वस्थ खेलकुद कार्यक्रमहरू आयोजना गरी दुई देशका युवाहरूलाई एकसाथ ल्याउने प्रयासलाई निरन्तरता दिने पाकिस्तानी दूतावासको प्रतिबद्धता दोहोर्‍याउनुभयो ।

राजदूत अलीले समारोहमा आफ्नो बहुमूल्य उपस्थितिका लागि विशिष्ट अतिथिहरू र यो कार्यक्रम सफल आयोजना गर्न सहयोग गरेकोमा नेपाल सरकारलाई धन्यवाद दिनुभयो ।

प्रकाशित मिति : ४ चैत्र २०७९, शनिबार  ७ : ४१ बजे