झापा – झापाको बिर्तामोड नगरपालिका-४ बाट प्रतिबन्धित लागुऔषध ब्राउन सुगर र नक्कली नोटसहित दुई जनालाई प्रहरीले पक्राउ गरेको छ।
बुधबार बेलुका विशेष सूचनाका आधारमा प्रहरी चौकी बिर्ताबजारबाट खटिएको प्रहरी टोलीले बिर्तामोड-४ का सुवास ताजपुरियाको घरकोठा खानतलासी गर्दा ४ ग्राम ३९० मिलिग्राम ब्राउन सुगर र नाइट्राजेपान २८ ट्याबलेट लागूऔषध बरामद भएको हो।
साथै नक्कली नेपाली नोट हजार रुपैयाँका ८८ थान, पाँच सयका २ थान, अस्ट्रेलियन नोट एक सयका ३ थान, अन्य देशका नोट ११ थान, सक्कली नेपाली रुपैयाँ ३ हजार र मे.५ प.९७९७ नम्बरको मोटरसाइकल बरामद गरिएको प्रहरीले जनाएको छ।
यी लागुऔषध र नक्कली नोटसहित २४ वर्षीय सुवास ताजपुरिया र उनका भाइ १९ वर्षीय प्रवीण ताजपुरियालाई प्रहरीले पक्राउ गरेको हो।
पक्राउ परेका दुवै जनाबारे इलाका प्रहरी कार्यालय अनारमनीबाट थप अनुसन्धान भइरहेको जिल्ला प्रहरी कार्यालय झापाले जनाएको छ।
प्रकाशित मिति : २ चैत्र २०७९, बिहिबार १ : ४१ बजे
प्रतिक्रिया