काठमाडौं। आज १६ औं एसियन क्रस कन्ट्री च्याम्पियनसिप हुँदैछ ।
नेपाल एथलेटिक्स संघको आयोजनामा सो च्याम्पियनसिप हुन लागेको हो । च्याम्पियनसिप गोकर्ण गल्फ रिसोर्टमा हुनेछ ।
सो च्याम्पियनसिपमा नेपालसहित ११ राष्ट्रका ६५ खेलाडीले सहभागी जनाउने छन भने नेपालका सबै भन्दा बढी १९ खेलाडीको सहभागिता रहनेछ । जसअनुसार नेपालसहित बंगलादेश, चाइनिज ताइपे, हङकङ, भारत, इरान, जापान, काजकास्तान, माल्दिभ्स, पाकिस्तान र थाइल्यान्ड गरि ११ राष्ट्रका ६५ खेलाडीले प्रतिस्पर्धा उत्रने एथलेटिक्स संघले जनाएको छ ।
च्याम्पियनसिपमा सिनियर महिला र पुरुषतर्फ १० किलोमिटर, २० वर्ष मुनिका जुनियर पुरुषतर्फ ८ किलोमिटर, २० वर्ष मुनिका जुनियर महिलाातर्फ ६ किलोमिटर गरि ४ विधामा व्यक्तिगत र टिम इभेन्ट्सहरुमा प्रतिस्पर्धा हुनेछ । नेपालबाट सिनियर महिलामा ४ र बाँकी सबै इभेन्ट्समा समान ५ खेलाडीले सहभागी जनाउने छन ।
प्रकाशित मिति : २३ फाल्गुन २०७९, मंगलबार ८ : ०६ बजे
प्रतिक्रिया