काठमाडौँ । कांग्रेसले राष्ट्रपतिको उम्मेदवार बनाउने निर्णय गरेपछि रामचन्द्र पौडेलले राष्ट्रिय स्वतन्त्र पार्टीका सभापति रवि लामिछानेकाे दैलाेमा पुग्नुभएकाे छ । शनिबार लामिछानेको हात्तिगौंडास्थित निवासमा पुगेर पाैडेलले राष्ट्रपतिमा सघाउन अाग्रह गर्नुभएकाे छ ।
नेकपा माओवादी केन्द्रसहितका ८ दलले राष्ट्रपतिमा कांग्रेस उम्मेदवारलाई समर्थन गर्ने सहमति गरेको जानकारी गराउँदै रास्वपाले पनि आफूलाई समर्थन गर्न आग्रह गर्नुभएकाे थियाे । ‘राष्ट्रपतिमा मलाई सघाउनुस्’, रामचन्द्र पौडेललाई उदृत गर्दै एक नेताले भन्नुभयो ।
लामिछानेले पार्टीमा छलफल गरेर निर्णय गर्ने जवाफ दिनुभएकाे छ ।
प्रकाशित मिति : १३ फाल्गुन २०७९, शनिबार १ : ४३ बजे
प्रतिक्रिया