सल्यानको कपुरकोट र सुर्खेतको हर्रेडाँडामा विषादी परीक्षण प्रयोगशाला बनाइने

सुर्खेत । कर्णाली प्रदेशका प्रवेश गर्ने दुई नाकामा यसैबर्ष प्रविधिसहितको विषादी परीक्षण प्रयोगशाला सञ्चालनमा ल्याइने भएको छ। 

भूमि व्यवस्था कृषि तथा सहकारी मन्त्रालय कणाली प्रदेशले चालु आर्थिक वर्षमा सल्यानको कपुरकोट र सुर्खेतको हर्रेडाँडाबाट तथ्याङ्क व्यवस्थापन र प्रविधिसहित विषादी परीक्षण प्रयोगशाला सञ्चालन गर्ने तयारी गरेको हो।

कणाली प्रदेशका भूमि व्यवस्था कृषि तथा सहकारी मन्त्री भीम प्रकाश शर्माले कर्णाली प्रदेशको उत्पादन आयत निर्यात तथ्याङ्क व्यवस्थापन तथा विषादी परीक्षण प्रयोगशाला तत्काल सञ्चालन गर्ने  जानकारी दिनुभयो । 

मन्त्री शर्माका अनुसार कपुरकोट तरकारी उत्पादनमा आत्मनिर्भर भए पनि भारतीय विषादी सहितको तरकारी रोक्न कपुरकोट र हर्रेडाँडामा विषादी परीक्षण प्रयोगशाला तत्काल सञ्चालन ल्याउन लागेको जानकारी दिनुभयो ।

प्रकाशित मिति : २६ माघ २०७९, बिहिबार  ७ : ५४ बजे