उत्पादन वृद्धि गर्न नसकिंदा अर्थतन्त्रमा चुनौती थपियो : राष्ट्रपति

काठमाडौं – राष्ट्रपति विद्यादेवी भण्डारीले आन्तरिक उत्पादन वृद्धि गर्न नसकिंदा अर्थतन्त्रमा चुनौती थपिएको बताउनु भएको छ।

आइतबार परिसंघको तेस्रो साधारणसभालाई सम्बोधन गर्दै राष्ट्रपछि भण्डारीले अर्थतन्त्रमा देखिएको तरलता संकुचनसहित बाह्य क्षेत्रमा देखिएको दबाब,उत्पादन मुलक क्षेत्रमा कमजोर लगानी विस्तार र उत्पादकत्व वृद्धिसहित उचित प्रतिफलको अभावले अर्थतन्त्रमा चुनौती थपिएको बताउनु भएको हो ।

राष्ट्रपति भण्डारीले भन्नुभयो, ‘आत्मनिर्भर अर्थतन्त्रको निर्माण राष्ट्रिय पूँजी परिचालनमा बैंक तथा वित्तिय वित्तीय संस्थाको भूमिका महत्वपूर्ण छ। पूँजी परिचालनको उद्देश्य उपयुक्त भएपनि आर्थिक विकास र रोजगारी वृद्धिमा अपेक्षाकृत उपलब्धि हासिल हुन सकेको छैन ।’

प्रकाशित मिति : २४ पुस २०७९, आइतबार  २ : ३५ बजे