काठमाडौँ । नागार्जुन साहित्यिक प्रतिष्ठानको शुभप्रभात काव्य गोष्ठीका अवसरमा शनिवार समसामयिक विषय र जनजीवनका दुःख पीडा कवितामा व्यक्त गरिएको छ ।
मुलुकमा गणतान्त्रिक परिवर्तन भए पनि राजनीतिक अस्थिरता र विकृति विसङ्गतिका कारण जनताले सोचे जस्तो प्रतिफल प्राप्त हुन नसकेको तर्फ स्रष्टाले सिर्जनाका माध्यमबाट चिन्ता जाहेर गर्नुभएको छ ।
कार्यक्रममा समालोचक उपप्राध्यापक डा.गीता त्रिपाठीले विद्यमान बजारिया र ह्रासोन्मुख परिवेशको आकर्षण बढिरहेको समयमा स्रष्टाले सत्तालाई सही बाटोमा ल्याउन रचनात्मक दबाब दिन सक्ने टिप्पणी गर्नुभयो । उहाँले बाचित कवितामा सीमान्तकृत समुदायका आवाजले स्थान पाएको बताउनुभयो ।
कार्यक्रममा दिल पौडेल, प्रकाश सिलवाल, माधव घिमिरे ‘अटल’, सुशीला शर्मालगायतले कविता वाचन गर्नुभएको थियो ।
प्रकाशित मिति : १७ पुस २०७९, आइतबार ८ : ४४ बजे
प्रतिक्रिया