काठमाडौँ । नेकपा माओवादी केन्द्रको पदाधिकारी बैठक अहिले जारी छ ।
पार्टी केन्द्रीय कार्यालय पेरिस डाँडामा जारी बैठकमा माओवादीले पाउने मन्त्रालय र ती मन्त्रालय सम्हाल्ने मन्त्रीहरूबारे छलफल भइरहेको बताइएको छ।
त्यस्तै, बैठकमा नयाँ सत्ता समीकरणसँगै विकसित राजनीतिक घटनाक्रम लगायतका विषयमा पनि छलफल भइरहेको बुझिएको छ ।
नवनियुक्त प्रधानमन्त्री पुष्पकमल दाहाल ‘प्रचण्ड’ले दिउँसो ४ः०० बजे केही मन्त्रीहरूसहित पद तथा गोपनीयताको शपथ लिदै हुनुहुन्छ ।
माओवादी केन्द्रको बैठक लगत्तै संसद् भवन नयाँबानेश्वरमा आज ११ः०० बजे प्रचण्डलाई प्रधानमन्त्रीको रूपमा समर्थन गरेका दलहरूको बैठक पनि बस्ने भएको छ ।
प्रकाशित मिति : ११ पुस २०७९, सोमबार ९ : ४३ बजे
प्रतिक्रिया