काठमाडौँ । प्रतिनिधिसभा र प्रदेशसभाको निर्वाचनपछिको समग्र अवस्थाका बारेमा छलफल गर्न सोमबार सत्तारूढ गठबन्धनको बैठक बस्ने भएको छ ।
नेकपा (माओवादी केन्द्र)को महासचिव देवप्रसाद गुरुङले आज दिउँसो ३ बजेका लागि सत्तारूढ गठबन्धनको बैठक बोलाइएको जानकारी दिनुभयो ।
बैठकमा निर्वाचनको समग्र अवस्थाका बारेमा समीक्षा हुने बताइएको छ ।
यही मङ्सिर ४ गते सम्पन्न निर्वाचनमा नेपाली काँग्रेसले ५७ स्थानमा जीत निकालेको छ । यस्तै, माओवादी १७ स्थानमा विजयी भएको छ । अब दोलखा जिल्लको मात्र नतिजा सार्वजनिक हुन बाँकी रहेको छ ।
त्यस्तै, नेकपा (एकीकृत समाजवादी) ले १० स्थानमा जित निकाल्दा, लोकतान्त्रिक समाजवादी पार्टीले चार, राष्ट्रिय जनमोर्चा एक स्थानमा विजयी भएको छ ।
प्रकाशित मिति : १९ मंसिर २०७९, सोमबार ७ : ४९ बजे
प्रतिक्रिया