काठमाडौँ। प्रतिनिधिसभा सदस्य निर्वाचनको समानुपातिक प्रणालीतर्फ एमालेले अग्रता कायमै राखेको छ ।
गत ४ मङ्सिरमा सम्पन्न प्रतिनिधिसभा सदस्य निर्वाचनको समानुपातिक प्रणालीतर्फ १ करोड २ लाख ४३ हजार १४१ मत गणना हुँदा एमालेले २७ लाख ३० हजार ३२३ मत प्राप्त गरेर अग्रता लिएको छ ।
दोस्रोमा रहेका काँग्रेसले २६ लाख ९५१ मत पाउँदा तेस्रो स्थानमा माओवादी केन्द्रले ११ लाख ५४ हजार ९७७मत पाएको छ ।
पहिलो पटक चुनावी प्रतिस्पर्धामा सहभागी भएको रवि लामिछाने नेतृत्वको राष्ट्रिय स्वतन्त्र पार्टी चौथो स्थानमा छ । उसले ११ लाख ७ हजार ३९ मत पाएको छ । राप्रपाले पाँच लाख ८१ हजार २२ मत पाएको निर्वाचन आयोगको विवरणमा उल्लेख छ ।
यसैगरी जसपाले चार लाख १६ हजार १७७, जनमत पार्टीले तीन लाख ८६ हजार ८५, एकीकृत समाजवादीले दुई लाख ९२ हजार ५९८मत पाएको छ ।
प्रकाशित मिति : १५ मंसिर २०७९, बिहिबार १० : ३० बजे
प्रतिक्रिया