महोत्तरी । महोत्तरीको भंगहा नगरपालिका–८ मा दुई समुदायबीच झडप तनावग्रस्त बनेपछि प्रशासनले जारी गरेको कर्फ्यु कायमै राखिएको छ ।
जिल्ला प्रशासन कार्यालय महोत्तरीले बिहीबार दिउँसो ४ बजेदेखि अर्को आदेश नभएसम्मका जारी गरिएको कर्फ्यु अझै कायमै राखिएको हो ।
स्थिति नियन्त्रणमा लिन अनिश्चितकालिन कर्फ्यु कायमै राखिएको प्रमुख जिल्ला अधिकारी दीपक कुमार पहाडीले जानकारी दिएका छन् ।
कर्फ्यु आदेशको वर्खिलाप भएमा कानुन बमोजिम कडा कारबाही हुने चेतावनी समेत बिहीबार अपराह्नदेखि कर्फ्यु आदेश दिइएको थियो ।
जिल्लाको दक्षिण क्षेत्रमा पर्ने पररियाको सम्पूर्ण क्षेत्र, उत्तर पूर्व ब्रम्हस्थान पररिया र उत्तरमा धर्मपुरभन्दा दक्षिणको भाग, पूर्वमा लोहारपट्टी नपा वडा नं १ बगडा चौक र पश्चिममा इलाका प्रहरी कार्यालय, लोहारपट्टी नजिकको पुलसम्म कर्फ्यु आदेश जारी गरिएको छ ।
हिन्दू सम्राट सेनाले शोभायात्रा निकालेको बेला अर्का समुदायका व्यक्तिहरू पत्थरबाजी गरेपछि झडप सुरु भएको महोत्तरी प्रहरीले जनाएको छ ।
स्थिति नियन्त्रणमा लिन ठुलो सङ्ख्यामा रहेका प्रहरीले दर्जनौँ सेल आसुग्यांस र हवाई फायरसमेत गर्नुपरेको थियो । तर पनि स्थिति नियन्त्रणमा नआएपछि प्रशासनले बिहीबार अपराह्न देखी कर्फ्यु आदेश जारी गरेको हो ।
प्रकाशित मिति : ११ कार्तिक २०७९, शुक्रबार ९ : ०४ बजे
प्रतिक्रिया