काठमाडौँ। नेकपा एमालेको तर्फबाट काठमाडौँ क्षेत्र नं. ६ का प्रतिनिधिसभा सदस्यका उम्मेदवार सर्वेन्द्र खनालले चुनावी अभियान तीव्र बनाउनुभएको छ।
आज बिहान वडा नम्बर २६ मा भएको मतदातासँगको अन्तरक्रिया कार्यक्रममा उहाँले काठमाडौँ क्षेत्र नं. ६ लाई नमुना बनाउने बताउनुभयो ।
“यत्तिका समय प्रहरीमा रहेर देश र जनताको सेवा गरे, अब तपाईँहरूको प्रतिनिधि भएर सेवा गर्ने मौका दिनुहोस् ।”, उहाँले भन्नुभयो । “प्रतिनिधिसभामा तपाईँहरूको शिर उँचो बनाउने छु, यहाँका समस्या समाधानको लागि सार्थक पहल गर्नेछु”
कार्यक्रममा प्रदेशसभा सदस्य उम्मेदवार निरेशलाई सिंहले एमालेले जनतालाई सदैव माथि राखेको र काठमाडौँको विकास केपी शर्मा ओली नेतृत्वको सरकारले उचाइमा पुर्याएको बताउनुभयो ।
नेता खनालले दिनहुँ मतदातासँग अन्तरक्रिया र भेटघाट गरिरहनुभएको छ ।
प्रकाशित मिति : ४ कार्तिक २०७९, शुक्रबार ११ : १७ बजे
प्रतिक्रिया