काठमाडौँ । नेकपा एमालेका नेता तथा पूर्व मन्त्री गोकुलप्रसाद बास्कोटाले समानुपातिक सूचीमा को किन र कसरी परे भन्ने बहस बेकारको भएको बताउनुभएको छ ।
सत्ताको नेतृत्व गरिरहेको नेपाली काँग्रेस पार्टीभित्र समानुपातिक सूचिलाई लिएर विवाद चलिरहेका बेला उहाँले सामाजिक सञ्जाल ट्विटरमार्फत यस्तो प्रतिक्रिया जनाउनुभएको हो ।
“समानुपातिक सूचीमा को किन र कसरी परे भन्ने बहस गर्नु बेकार हो” नेता बास्कोटाले भन्नुभएको छ , “यसको मर्म समावेशिता हो । कमवेसी अपवाद, मुल रूपमा यो डाडुपन्यु टीमको इच्छावेशीता हो ।”
उहाँले समयमै अपारदर्शी प्रणालीको विकल्प खोज्न आग्रह समेत गर्नुभएको छ । “समयमै पार्टीहरूले ३३ प्रतिशत सोझै महिला उम्मेदवार उठाऊ वा अपारदर्शी प्रणालीको विकल्प खोज । हैन भने भैँसीका अघि बिरही भाकामा बिन नबजाऊ, मित्रजन !” उहाँले सामाजिक सञ्जालमा लेख्नुभएको छ।
प्रकाशित मिति : १० आश्विन २०७९, सोमबार ११ : १२ बजे
प्रतिक्रिया