काठमाडौं । निलम्बित प्रधानन्यायाधीश चोलेन्द्रशमशेर जबराले महाभियोग सिफारिस समितिलाई ४३ वटै प्रश्नको जवाफ दिनुभएसँगै उहाँसँगको बयान सकिएको छ ।
प्रतिनिधिसभाले गठन गरेको महाभियोग सिफारिस विशेष समितिले ४३ प्रश्न तयार पारेको थियो । जबराले आइतबारसम्म ३५ वटा प्रश्नको जवाफ दिनुभएको थियो । आज उहाँले बाँकी प्रश्नको जवाफ दिनुभएसँगै उहाँसगको बयान सकिएको हो ।
अब जबरासँग प्रतिप्रश्न सोध्न बाँकी रहेको समितिले जनाएको छ ।
यसैबीच राणाले बयानका क्रममा नाम लिएकाहरूसँग महाभियोग सिफारिस समितिले छलफल गर्ने भएको छ।
समितिले नेपाल बार एशोसियनका पूर्वपदाधिकारी, पूर्वन्यायाधीश, बहालवाला न्यायाधीश लगायतलाई बोलाउने निर्णय गरेको हो ।
समिति र संसदको म्याद सकिनै लाग्दा समेत बयान नसकि प्रतिप्रश्न र अन्यव्यक्तिलाई बोलाइएर समय घर्काइरहेको समितिले बेलैमा प्रतिवेदन नबुझाए जबरामाथिको महाअभियोग कोमामा पुग्ने खतरा छ ।
प्रकाशित मिति : २८ भाद्र २०७९, मंगलबार ३ : २७ बजे
प्रतिक्रिया