काठमाडौँ – निलम्बित प्रधानन्यायाधीश चोलेन्द्रशमशेर जबराले महाभियोग प्रस्ताव गर्ने सांसदहरुले छानबिन गर्न नमिल्ने बताएका छन् ।
बिहीबार सिंहदरबारमा महाभियोग सिफारिस समितिको बैठकमा उपस्थित भई बयान दिने क्रममा निलम्बित प्रधानन्यायाधीश चोलेन्द्रशमशेर जबराले महाभियोग प्रस्ताव गर्ने सांसदहरु समितिमा बसेर छानबिन गर्दा स्वार्थ बाझिने तर्क गरेका हुन् । ‘आफैंले महाभियोग प्रस्ताव गर्ने, आफैं छानबिन गर्ने, निर्णय पनि आफैं गर्ने? यो प्राकृतिक न्यायको सिद्धान्तविपरीत हुन्छ' उनले भने।
जबराले भने – ‘महाभियोग प्रस्ताव गर्ने सांसदहरू नै समितिमा हुनुहुन्छ'। महाभियोग प्रस्ताव गर्ने सांसदहरू नै समितिमा रहेको भन्दै उनले निष्पक्षताको प्रश्न समेत उठाएका छन् ।
महाभियोग सिफारिस समितिकी सदस्य सांसद रेखा शर्माले आधार र प्रमाणका आधारमा छानबिन हुन्छ र समितिले निष्पक्ष रूपमा छानबिन गर्ने बताएकी छिन् ।
महाभियोग निष्क्रिय भइसक्यो र संसदको सम्मानका लागि मात्रै आफू आएको राणाले बताएका छन् ।
निलम्बित प्रधानन्यायाधीश जबराविरूद्ध सत्तारूढ दलले २१ आरोपसहित गत फागुनमा महाअभियोग प्रस्ताव संसदमा दर्ता गराएका थिए।
प्रकाशित मिति : १६ भाद्र २०७९, बिहिबार २ : ३९ बजे
प्रतिक्रिया