काठमाडौँ – शुक्रवारबाट प्रदर्शनमा आएको चलचित्र ‘प्रकाश’ ले उत्साहजनक व्यापार गरेको छ ।
चलचित्र ‘प्रकाश’ मा अभिनेता प्रदीप खड्का र अभिनेत्री दिया मास्केको अभिनयलाई दर्शकले रुचाएका छन् । कर्णालीको कथामा आधारित उक्त चलचित्रको निर्देशन दिनेश राउतले गरेका हुन् ।
शुक्रवारबाट प्रदर्शनमा आएको चलचित्र ‘प्रकाश’ को विभिन्न हलहरूमा शनिवार २६ वटा भन्दा बढी शो थियो भने अधिकांश शोहरू हाउस फूल चलिरहेका छन् । व्यापार उत्साहजनक भएपछि अधिकांश सिनेमा हलहरूले शोहरू थपेका छन् ।
केही दिन अघि मात्र चलचित्र ‘प्रकाश’ का टिमले पत्रकार सम्मेलन गरी आफूहरूलाई सिनेमा हलहरूले शो नदिएको भन्दै आक्रोशित भएका थिए ।
दर्शकहरूको चाप बढ्दै गएपछि सिनेमा हलहरूले साँझको शो समेत थपेका छन् ।
हेर्नुहोस् चलचित्र ‘प्रकाश’को ट्रेलर:
प्रकाशित मिति : १३ भाद्र २०७९, सोमबार १२ : ४९ बजे
प्रतिक्रिया