सिन्धुपाल्चोक । अविरल वर्षाको कारण सडक भासिएपछि तातोपानी नाका अवरुद्ध भएको छ ।
अविरल वर्षाको कारण अरनिको राजमार्ग अन्तर्गत सिन्धुपाल्चोकको भोटेकोसी गाउँपालिका–४ डाक्लाङमा आज बिहान सडक भासिएपछि यातायात अवरुद्ध भएको जिल्ला प्रहरी कार्यालय सिन्धुपाल्चोकले जनाएको छ ।
सडक भासिए र यातायात अवरुद्ध हुँदा तातोपानी हुँदै चीनतर्फ जाने आउने मालवाहक सवारी साधनको आवागमन रोकिएको छ ।
सडक मर्मतको लागि सडक विभागसँग समन्वयमा काम सुरु गरिने जिल्ला प्रहरी कार्यालय सिन्धुपाल्चोकका सूचना अधिकारी प्रहरी नायव उपरीक्षक दक्षकुमार बस्नेतले जानकारी दिनुभयो ।
प्रकाशित मिति : १६ श्रावण २०७९, सोमबार ११ : ०६ बजे
प्रतिक्रिया