काठमाडौँ । काठमाडौँ महानगरमा आजदेखि फोहोर वर्गीकरण गरेर मात्र सङ्कलन गरिने भएको छ ।
काठमाडौँ महानगरपालिकाका अनुसार आइतबार र बुधवार कुहिने तथा सोमबार र शुक्रवार नकुहिने फोहोर उठाइने छ ।
सूचनामार्फत महानगरले सम्भव भएसम्म जैविक फोहोरबाट गँड्यौला वा कम्पोष्ट मल बनाएर कौसी तरकारी वा करेसाबारीमा प्रयोग गर्न अनुरोध गरेको छ ।
नकुहिने तर पुनः प्रयोगमा आउन सक्ने फोहोरलाई पुनः प्रयोग गर्न गर्न पुन चक्रीय फोहोर सङ्कलकलाई बेचेर आयआर्जन गर्न भनिएको छ ।
यस्तै ,प्लाष्टिकका झोलाको सट्टा कागज वा कपडाका झोलाको प्रयोगमा जोड दिन आग्रह गरिएको छ । फोहोरलाई स्रोतमा नछुट्याउने उत्सर्जकलाई प्रत्येक पटक ५ सय रुपैयाँ जरिवाना गरिनेछ ।
२०६८ सालमा सरकारले जारी गरेको फोहोर मैला व्यवस्थापन ऐन र २०७७ सालमा काठमाडौँ महानगरले जारी गरेको वातावरण तथा प्राकृतिक स्रोत संरक्षण ऐनबमोजिम जरिवाना तिराइने महानगरको वातावरण विभागको भनाइ छ ।
प्रकाशित मिति : १ श्रावण २०७९, आइतबार ८ : ३० बजे
प्रतिक्रिया