काठमाडौँ । बाजुराको बुढीगंगा नगरपालिकाको प्रमुख र उपप्रमुख दुवैमा नेकपा एमालेले अग्रता कायम राखेको छ ।
पछिल्लो मत परिणाम अनुसार प्रमुखमा एमालेका रामबहादुर बानियाँले २ हजार ४४३ र नेपाली काँग्रेसका रंगबहादुर खातीले १ हजार २९१ मत पाउनुभएको छ ।
त्यस्तै, उपप्रमुखमामा एमालेका मायाकुमारी खड्काले २ हजार २८७ मत पाउनुभएको छ भने काँग्रेसका रीता शाहीको १ हजार ३१६ मत छ ।
हालसम्मको मत परिणाम अनुसार एमालेले प्रमुख पदमा १ हजार १५२ मत र उपप्रमुखमा ९७१ मतले अग्रता लिएको छ ।
हालसम्म वडा नम्बर १, २, ९ र १० गरी चार वटा वडाको मत गणना सम्पन्न भएको छ । चार वटै वडामा नेकपा एमालेका उम्मेदवार विजयी भएका छन् । अहिले वडा ३ र ८ को मत गणना भइरहेको छ ।
बुढीगंगा नगरपालिकामा बिहीबार मतदान भएको थियो । गत वैशाख ३० गते भएको निर्वाचन विवादित भएपछि निर्वाचन आयोगले बिहीबार पुनः मतदान गराएको हो ।
प्रकाशित मिति : २५ असार २०७९, शनिबार ११ : १३ बजे
प्रतिक्रिया