रामेछाप । रामेछापको सुनापातीमा यात्रु बाहक बस लुभुखोलामा दुर्घटनामा परेको छ । दुर्घटनामा कम्तिमा ६ जनाको मृत्यु भएको प्रहरीले जनाएको छ । उद्धारकार्य जारी रहेकाले मृतकको संख्या बढ्नसक्ने अनुमान छ । काठमाडौंतर्फ आइरहेको बा ३ ख ८३९६ नं को यात्रु बाहक बस लुभु भीरबाट खसेको हो ।
जिल्ला प्रहरी कार्यालय रामेछापका प्रहरी प्रमुख प्रहरी नायव उपरीक्षक राजकुमार थिङका अनुसार अहिलेसम्म २१ जना घाइतेलाई उपचारका लागि धुखिलेल अस्पताल पठाइएको छ । अन्य घाइतेहरुको उद्धार चलिरहेको छ ।
दुर्घटनमा परी गम्भीर घाइते भएकाहरुलाई उपचारका लागि हेलिकप्टर मार्फत काठमाडौं लैजाने तयारी भईरहेको छ ।
प्रकाशित मिति : २१ असार २०७९, मंगलबार ११ : ४५ बजे
प्रतिक्रिया