मनिला । मध्य फिलिपिन्समा १६५ यात्रु सवार एउटा डुङ्गामा आगलागी भएको र उद्धारकर्ताहरूले अहिले दुई जना बाहेक सबैलाई सुरक्षित स्थानमा ल्याइसकेको बताएका छन् ।
आगलागीमा एक जनाको मृत्यु भएको र अर्का एक जना हराइरहेका फिलिपिन्सको तटीय गार्डले जनाएको छ ।
मामा मेरी–क्लो नाम गरेको उक्त डुङ्गा बोहोल र लेयट टापुहरूको बीचमा यात्रा गर्दै थियो । फेसबुकमा कोस्ट गार्डले सार्वजनिक गरेको एउटा भिडियोमा दुर्घटनामा बाँचेकाहरूलाई नदी किनारमा बसेको देखाइएको छ ।
१५७ यात्रु र आठ चालक दलसहितको उक्त डुङ्गा उबेबाट बोहोलतर्फ बढिरहेको थियो । आगो लागेपछि यात्रुहरू डुङ्गाबाट हाम फालेका थिए । आगलागीको कारण खुलेको छैन ।
क्षमताभन्दा बढी यात्रुका फिलिपिन्समा बारम्बार डुङ्गा दुर्घटना हुने गरेका छन् । एजेन्सी
प्रकाशित मिति : १३ असार २०७९, सोमबार ७ : २१ बजे
प्रतिक्रिया