रौतहट । सशस्त्र प्रहरीले रौतहटको सीमावर्ती क्षेत्र बंकुल चोकबाट नेपाली र भारु नक्कली नोटसहित एक भारतीय नागरिकलाई पक्राउ गरेको छ ।
सशस्त्र प्रहरी बोर्डर आउट पोष्ट सरमुजवाको टोलीले आज बिहान भारत गोरखपुर घर भएका २३ वर्षीय सञ्जय सक्सेनालाई नक्कली नोटसहित पक्राउ गरेको हो ।
पक्राउ परेका सक्सेनाको साथ बाट नेपाली एक हजार दरका ५० थान, भारु २ हजार दरका २३ थान र भारु ५ सय दरका १० थान नक्कली नोट बरामद भएको सशस्त्र प्रहरी छिनमस्ता बाहिनी बर्दिबासका प्रमुख डिआइजी गणेश ठाडा मगरले बताउनुभयो ।
प्रकाशित मिति : २ असार २०७९, बिहिबार ९ : ४९ बजे
प्रतिक्रिया