चितवन । जिल्ला समन्वय समिति जिसस चितवनको प्रमुखमा पाँच दलीय गठबन्धन र नेकपा एमालेको मत बराबर आएपछि गोला प्रथा गरिएको छ ।
जिसस प्रमुख र सदस्यहरुको लागि आज भएको निर्वाचनमा बराबर मत खसेको हो । जिल्लाका सात पालिकाका प्रमुख र उपप्रमुख गरी १४ जनाले मतदान गर्नुभएको थियो ।
गोलाप्रथा गर्दा प्रमुखमा एमालेका नारायण अधिकारी विजयी हुनुभएको छ । पाँच दलीय गठबन्धनबाट प्रमुखको उमेदवार बनेका नेपाली कांग्रेसका पूर्णबहादुर रानाभाट पराजित हुनुभएको थियो ।
उपप्रमुखमा भने नेकपा एकीकृत समाजवादीकी नेतृ कल्पना काफ्ले सापकोटा निर्विरोध भईसक्नुभएको छ । जिल्लाका सात पालिका मध्ये एमालेले तीन प्रमुख र चार उपप्रमुख र गठबन्धनले चार प्रमुख र तीन उपप्रमुख जितेको थियो ।
प्रकाशित मिति : ३१ जेष्ठ २०७९, मंगलबार १२ : ४४ बजे
प्रतिक्रिया