काठमाडाैँ । नेकपा एकीकृत समाजवादी पार्टीका अध्यक्ष माधवकुमार नेपालले गरेको मन्त्री फेर्ने निर्णय प्रधानमन्त्री शेरबहादुर देउवाले अस्वीकार गर्नुभएको छ ।
प्रधानमन्त्री शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड र एकीकृत समाजवादी पार्टीका अध्यक्ष माधवकुमार नेपालबीच बालुवाटारमा भएको छलफलमा केही समयका लागि मन्त्रिमण्डल हेरफेर गर्न आफूले नचाहेको प्रधानमन्त्री देउवाले बताउनुभएको थियो ।
प्रधानमन्त्री देउवाले अडान लिएपछि तत्काल मन्त्री फेर्ने निर्णयबाट माधव नेपाल ब्याक हुनुपरेको छ ।आइतबार पार्टी सचिवालय बैठक बसेर एकीकृत समाजवादी पुराना मन्त्रीहरूलाई फिर्ता बोलाउने निर्णय भएको थियो।
प्रधानमन्त्री देउवाको निर्णय पछि मन्त्री बन्न कसिएकाहरू अहिले निराश हुनुपरेको छ ।
प्रकाशित मिति : २३ जेष्ठ २०७९, सोमबार २ : २८ बजे
प्रतिक्रिया