लुम्बिनी । लुम्बिनी प्रदेश सरकारका शिक्षा, विज्ञान, युवा तथा खेलकुद मन्त्री वसी उद्दीन खाँ कक्षा १२ को परीक्षामा सहभागी भएका छन् । प्रदेश सभामा स्नातक उत्तीर्ण भएको ब्याहोरा उल्लेख गरेका खाँ फेरी १२ कक्षाको परीक्षामा सहभागि भएसँगै अहिले त्यसको ब्यापक खोजबिन सुरु भएको छ ।
मन्त्री खाँले रुपन्देहीको मायादेवी गाउँपालिका–५ को हाजीयनातुल्ला माविमा गत वर्ष कक्षा ११ मा भर्ना भएका थिए । उनले यही जेठ १६ गतेदेखि शुरू भएको कक्षा १२ को परीक्षामा सहभागी छन् ।
उनको लुम्बिनी सांस्कृतिक नगरपालिका–९, खुदाबगर आदर्श माविमा परीक्षा केन्द्र परेको छ । मन्त्री यादवले भने आफूले पढाइको महत्त्व बुझाउन आफूले अहिले भर्ना भएर पढ्न थालेको बताए ।
उनलाई यस अगाडि कहाँबाट कुन विषयमा कहाँबाट गर्नुभएको हो भन्ने प्रश्नमा अहिले केही नबोल्ने बताए । ‘अहिले यो विषयमा म केही बोल्दिनँ समय आएपछि सबै सप्रमाण देखाउँछु ।’
मन्त्री खाँले पहिलो दिन कक्षा १२ को अंग्रेजी विषयको परीक्षामा सहभागी भए पनि त्यसपछि भने गएका छैनन् । मन्त्री खाँले सबै विषयमा परीक्षामा आफू कार्यव्यस्तताले सहभागी हुन नपाएको बताए ।
खाँ नेपाली कांग्रेसबाट रूपन्देही क्षेत्र नम्बर ४ ९ख० बाट प्रत्यक्ष निर्वाचित प्रदेश सांसद हुन् । ३९ वर्षीय खान लुम्बिनी प्रदेशको स्थायी राजधानी बुटवलबाट दाङ सार्ने विषयमा प्रदेश सभामा छलफल हुँदा कुर्सी तोडफोडमा उत्रिएका सांसद हुन् ।
प्रकाशित मिति : २१ जेष्ठ २०७९, शनिबार ४ : ११ बजे
प्रतिक्रिया