पोखरा । पोखरा महानगरपालिकामा एकीकृत समाजवादीले अग्रता कायमै राखेको छ ।
हालसम्म ४७ हजार ५६६ मतगणना हुँदा गठबन्धनबाट उम्मेदवार बन्नुभएका नेकपा एकीकृत समाजवादीका धनराज आचार्यले १९ हजार ६१५ मत पाउनुभएको छ । उहाँलाई नेकपा एमालेका कृष्ण थापा १७ हजार ५१२ मतसहित पछ्याइरहनुभएको छ ।
उपमेयरमा एमालेका मन्जुदेवी गुरुङले २० हजार २ मत पाउनुभएको छ। गठबन्धनका कोपिला रानाभाटको मत १९ हजार ७७४ रहेको छ ।
पोखरामा कुल १ लाख ४३ हजार २२६ मत खसेको थियो ।
प्रकाशित मिति : ५ जेष्ठ २०७९, बिहिबार ८ : १० बजे
प्रतिक्रिया