महेन्द्रनगर । कञ्चनपुरको दोधाराचाँदनी नगरपालिकाको मेयरमा नेकपा एमालेका उम्मेदवार विजयी हुनुभएको छ । एमाले उम्मेदवार किशोरकुमार लिम्बु मेयरमा निर्वाचित हुनुभएको छ ।
लिम्बुले ७ हजार १०४ मत ल्याउँदै नेपाली कांग्रेसका उम्मेदवार भट्टलाई पराजित गर्नुभयो । भट्टले ६ हजार १७१ मत प्राप्त गर्नुभयो ।
उपमेयरमा भने नेपाली कांग्रेसकी गंगादेवी जोशी विजयी हुनुभएको छ । जोशीले ६ हजार ३६५ मत पाउँदा उहाँकी निकटतम् प्रतिस्पर्धी एमालेकी खिमा चन्दले ५ हजार ८२२ मत ल्याउनुभयो ।
दोधाराचाँदनीमा एमालेले पहिलो पटक जित हात पारेको हो । ‘२०४६ सालपछि पहिलो पटक एमाले यहाँको नेतृत्वमा पुगेको हो । ‘२०७४ सालमा उपमयेर जिते पनि मेयरमा लिम्बु झिनो मतले हार्नु भएको थियो ।
दोधाराचाँदनी नेपाली कांग्रेस केन्द्रीय सदस्य रमेश लेखकको प्रभाव क्षेत्र मानिन्छ । तर यसपटक कांग्रेस गढमा बहुमत वडाध्यक्षसहित एमाले विजयी भएको छ ।
प्रकाशित मिति : ४ जेष्ठ २०७९, बुधबार २ : ५३ बजे
प्रतिक्रिया