पाल्पा । पाल्पाको माथागढी गाउँपालिकामा नेपाल कम्प्युनिष्ट पार्टी एमालेका उम्मेदवारहरू यम चिदी र विष्णुमाया लुङचे विजयी बन्नुभएको छ ।
गाउँपालिका अध्यक्षमा नेकपा एमालेका उम्मेदवार यम बहादुर चिदीले ६ हजार १ सय ९ मत प्राप्त गरी विजय हुनुभएको हो । उहाँका निकटतम प्रतिद्वन्द्वी नेपाली काँग्रेसका सन्तोष कुमार थापाले ५ हजार ५ सय ५४ मत प्राप्त गर्नुभयो ।
यस्तै गाउँपालिका उपाध्यक्षमा नेकपा एमालेकै विष्णुमाया लुङचे ५ हजार ८ सय ८२ मत सहित विजयी बन्नुभयो । उहाँका निकटतम प्रतिस्पर्धी नेपाली काँग्रेसकी विजयाकुमारी भट्टराईले ५ हजार ६ सय ४४ मत प्राप्त गर्नुभयो । नेपाली काँग्रेसका सचिव समेत रहेका सन्तोष कुमार थापाको पराजय भएसँगै काँग्रेसका कार्यकर्ता तथा नेताहरू अन्तर्घात भएको आरोप प्रत्यारोपमा छन् ।
२०७४ सालको निर्वाचनमा माथागढी गाउँपालिका अध्यक्ष, उपाध्यक्ष, वडाध्यक्षसहित सबै सदस्य काँग्रेसबाटै विजयी भएका थिए ।
प्रकाशित मिति : २ जेष्ठ २०७९, सोमबार ३ : ३१ बजे
प्रतिक्रिया