धनगढी । डोटीको पूर्वीचौकी गाउँपालिका–४ सानागाउँमा बस दुर्घटना हुँदा कम्तीमा २५ जना घाइते भएका छन् ।
कैलालीको धनगढीबाट बाजुराका लागि छुटेको सुपप्र ०१ ००१ ख ३१०८ नम्बरको बस आज बिहान दुर्घटनामा परेको हो ।
जिल्ला प्रहरी कार्यालय डोटीका सूचना अधिकारी भोलाप्रसाद भट्टका अनुसार घाइतेमध्ये पाँच जनालाई अस्पताल पुर्याइएको छ । कम्तीमा २५ जना घाइते भएको र अन्यलाई पनि अस्पताल ल्याउन थालिएको सूचना अधिकारी भट्टले बताउनुभयो । दुर्घटनाको कारण खुल्न सकेको छैन ।
प्रकाशित मिति : २९ बैशाख २०७९, बिहिबार ७ : ४६ बजे
प्रतिक्रिया