गोरखा । गोरखामा सर्वदलीय बैठकबाटै काँग्रेसका प्रतिनिधि हतियारसहित पक्राउ परेका छन् ।
आज बिहान करिब ११ः०० बजे गण्डकी गाउँपालिकाबाट काँग्रेसका प्रतिनिधि मनोज गुरुङ हतियारसहित पक्राउ परेको घ्याल्चोक प्रहरी चौकीका प्रमुख प्रहरी निरीक्षक ज्ञानेन्द्रकुमार श्रेष्ठले जानकारी दिनुभयो ।
“निर्वाचन अधिकृतको कार्यालयका सर्वदलीय बैठक बोलाइएको रहे छ । बैठकमा काँग्रेसको तर्फबाट प्रतिनिधि भएर गएका मनोज गुरुङको झोलाबाट खुकुरी फेला परेको छ । उनलाई हाम्रो टोलीले नियन्त्रणमा लिएर राखेको छ” श्रेष्ठले भन्नुभयो ।
घटनाबारे थप अनुसन्धान गर्नका लागि आफू घटनास्थलतर्फ गइरहेको श्रेष्ठले बताउनुभयो ।
प्रकाशित मिति : २८ बैशाख २०७९, बुधबार १२ : ०० बजे
प्रतिक्रिया