चितवन । माओबादी केन्द्रको भातृ संगठन वाईसिल कालिकाका इन्चार्ज नवराज घलानको आक्रमणबाट एमालेका कार्यकर्ता महेन्द्र बिक घाइते भएका छन ।
कालिका–३, शान्ति टोल, पदमपुर निवासी ३४ वर्षिय बिकलाई वाईसिल कालिकाका इन्चार्ज घलानले गए राती ११ बजे फोन गरि घरबाट बोलाएर आक्रमण गरेका हुन । बोलाएर २ सय मिटर पर लगि १५/१६ जनाको समुहले बोत्तल तथा सीसाले टाउकोमा हानेको स्थानियले बताएका छन ।
एमालेको भातृ संगठन युवा संघका नगर सदस्य समेत रहेका बिकको अहिले गम्भीर अबस्थामा भरतपुरको पुरानो मेडिकल कलेजमा उपचार भैरहेको नेकपा एमाले कालिकाका सचिब शुदर्शन अधिकारीले जानकारी दिए । बिकको टाउकोमा गम्भीर चोट लागेको छ ।
वाईसिल कालिकाका इन्चार्ज नवराज घलान यश अगाडी पनि एमाले जिल्ला कमिटी सदस्य ऋषिराम मरहठ्ठालाई आक्रमण गरि प्रहरी हिरासतमा रहेका थिए । उनी करिब २ महिना अगाडि धरौटी जमानतमा छुटेका थिए ।
प्रकाशित मिति : २२ बैशाख २०७९, बिहिबार ३ : ०५ बजे
प्रतिक्रिया