रुपन्देही । नेकपा माओवादी पार्टी परित्याग गरी २ सय जना नेता कार्यकर्ता एमालेमा प्रवेश गरेका छन्
रुपन्देहीको भैरहवामा नेकपा माओवादी पार्टीका पूर्व वडाध्यक्ष पुरन भण्डारी सहित २ सय जना नेता कार्यकर्ता एमालेमा प्रवेश गरेका हुन् ।
नेकपा एमालेका जिल्ला उपसचिव हितराज पन्थीका अनुसार सिद्धार्थनगर नगरपालिका वडा नं ९ का माओवादी पार्टीका पूर्व वडाध्यक्ष पुरन भण्डारी सहित २ सय जना नेता कार्यकर्ताहरु एमालेको विचार र सिद्धान्तलाई अंगाल्ने प्रतिबद्धताका साथ पार्टी प्रवेश गरेको बताउनुभएको छ ।
नेकपा एमालेका मेयर पदका उम्मेदवार डाक्टर रामप्रसाद बस्याल, उपमेयरका उम्मेदवार उमा अधिकारी, वडा नं ९ का अध्यक्ष शेषकान्त भण्डारीलाई निर्वाचनमा विजय गराउन उनीहरु घरदैलो कार्यक्रममा समेत हिँडेका थिए ।
गत स्थानीय निर्वाचनमा माओवादी पार्टीबाट वडा नम्बर ९ मा वडाध्यक्षका उम्मेदवार रहेका पुरन भण्डारीले दोस्रो स्थानको मत प्राप्त गरेका थिए ।
प्रकाशित मिति : १८ बैशाख २०७९, आइतबार २ : ३६ बजे
प्रतिक्रिया